Шүдний утас

Шүдний утас нь сойз, ооноос гадна амны хөндийг цэвэрлэж олон өвчлөлүүдээс сэргийлэх амны хөндийн эрүүл ахуйн туслах хэрэглэгдэхүүнүүдийн нэг юм. 
Үүрэг:

1. Шүдний түшилцэх гадаргуу болон буйлан доорхи өнгөр, хоолны үлдэгдлийг цэвэрлэх

2. Шүд хоорондын буйлны хөхлөгт массаж хийх 

3. Буйлан доорхи шүдний чулуу үүсэхээс сэргийлэх 

4. Түшилцэх гадаргуугын цооролд өртөх эрсдэлийг бууруулах 

5. Амны хөндийн эрүүл ахуйг сахиж, амны хөндийн эвгүй үнэрээс сэргийлэх зэрэг үүргүүдийг гүйцэтгэдэг.

Шүдний утасны төрлүүд:

1. Ваксгүй шүдний утас:

 

 

2. Вакс агуулсан шүдний утас: Энэ утас нь маш нимгэн лаваар бүрсэн энгийн нейлон материал байдаг ба ваксандаа синнамон, гаа зэрэг амт агуулсан байж болно. Лав буюу вакс нь шүдний гадаргуу дахь өнгөрийг сайн цэвэрлэхээс гадна хэрэглэх үед тасарч сэмрэхгүй бат бөх байдаг. 

3. Баригчтай шүдний утас: Баригчтай шүдний утас нь амандаа гараа хийн шүдээ цэвэрлэхэд тийм ч тохиромжтой арга биш тул гарсан дэвшилтэт арга юм.  Энэ арга нь: 

  • Төрөлхийн хөгжлийн бэрхшээлтэй хүмүүс  
  • Асаргаа сувилгаанд байгаа хүмүүс
  • Бөөлжих рефлекс хүчтэй илэрдэг хүмүүст тохиромжтойгоороо илүү давуу талтай байдаг.

 

Шүдний утас хэрэглэх аргууд

Дамар ороох арга: Мэдрэл булчингийн үйл ажиллагааны хөгжил бүрэн гүйцсэн өсвөр насныхан болон насанд хүрсэн хүмүүст тохиромжтой. Утсаа нэг гарын хурууны үзүүрээс тохой хүртэл хүртэл урттай тасалж авах хэрэгтэй.

Хоёр гарын дунд хуруундаа ороож үлдсэн утсыг чигчий, ядам хуруунд атгана. Долоовор, эрхий хуруугаар утсаа чимхэж барин шүдний завсраар хэт хүчтэй даралгүй оруулан хөрөөдөх буюу нааш цааш татах хөдөлгөөнөөр цэвэрлэнэ. Мөн буйлны доорхи гадаргууг цэвэрлэх хэрэгтэй.  Дараах зургийг харан дагаж хийгээрэй. 

 

 

Гогцоолдох арга: Гарын нарийн хөдөлгөөн бүрэн хөгжиж амжаагүй байгаа бага насны хүүхдүүдэд тохиромжтой. Мөн насанд хүрсэн хүмүүс хэрэглэж болно. 

Утасны хоёр үзүүрийг нийлүүлэн зангидна. Энэ үед бүх хуруунууд оролцох бөгөөд эрүүний шүднүүдэд хоёр гарын долоовор хуруугаар чиглүүлнэ. Харин дээд шүднүүдэд нэг гарын эрхий, долоовор хуруугаар утсаа чимхэн нөгөө гарын долоовор хуруугаар чиглүүлнэ. 
 

 

 

Шүдний утсыг зөв хэрэглэх нь маш чухал асуудлуудын нэг юм. Дараах шинжүүд нь та шүдний утсыг буруу хэрэглэж буйг илтгэнэ. 

1. Шүд хооронд байгаа буйлны гурвалжин хэсгийг зүсч гэмтээх 

2. Буйл шамрах, тиймээс шүдний утсыг зөв цагтаа, зөв хэрэглэж заншаарай. 

Мэдээ бэлтгэсэн, нийтлэлч: Х.Ариунчимэг

 

Бусад мэдээ

Зарим шүдний төхөөрөмжийн үүсгэж буй цахилгаан соронзон орноос болгоомжил
Шүдний эмчилгээ болон үйлчилгээний салбарт ашиглагдаж буй гэрлийн аппарат, цахилгаан сойз зэрэг төхөөрөмжүүдийн үүсгэж буй бага давтамжийн цахилгаан соронзон орон нь хүний эрүүл мэндэд хангалттай хор нөлөөтэй болохыг Японы Нийгата хотод байрлах Nippon Их Сургуулийн судлаачид зарлалаа. Туршилтаар индукцын цахилгаан гүйдэл нь зөвхөн амны хөндийд ашиглагддаг металл багажнуудад төдийгүй шүдэнд үүсдэг болохыг илрүүлжээ.
2020-07-23 20:36
Дэлхийд анхдагч нүүрстөрөгчийн нэгдэл агуулсан, хэт авиагаар цэвэрлэгч шүдний сойз
Швейцарын шүдний материалын үйлдвэрлэгч Megasmile фирм дэлхийд анх удаа шүдний гадаргууг зүлгэж өнгөлөх зориулалттай нүүрстөрөгчийн карбон нэгдэл агуулсан хэт авиагаар ажиллагч шүд цайруулах үйлчлэлтэй шүдний сойз үйлдвэрлэлээ. Оонд байдаг зүлгэгч бодисоос ялгаатай нь уг карбон нэгдэл нь паалан тугалмайн эдүүдийг гэмтээлгүйгээр шүдний гадаргууг маш зөөлөн зүлгэж өнгөлдөг бөгөөд шүдний тулгуур эдийн үрэвсэлтэй болон гажиг заслын эмчилгээ хийлгэж буй өвчтөнүүдэд хэрэглэхэд маш тохиромжтой гэнэ. 
2020-07-21 18:50
Тансаг зэрэглэлийн шүдний сойз 3200 еврогоор худалдаалагдна
Ихэнх хүмүүсийн хувьд шүдний сойз бол ердийн өдөр тутмын эрүүл ахуйн хэрэгсэлүүдийн л нэг. Үнийн хувьд тийм ч үнэтэй биш бөгөөд энэ нь тодорхой хугацаанд сойзоо сольж байх боломж олгодог. Тэгвэл Reinast тансаг зэрэглэлийн шүдний сойзыг нэг авсан хүн түүнийг удаан хугацаанд хэрэглэж болох гэнэ.
2020-07-21 18:41