• Шүдний салбарын 3D технологийн тэргүүлэгчдийн нэг Dental Wings компаний 10 жилийн ой тохиож байна

    MONTREAL, Canada: Шүдний салбарын 3D технологийн лидерүүдийн нэг Dental Wings компани энэ жил 10 дахь жилийнхээ ойг тэмдэглэж байна. Тус компани нь 2007 онд Монтреал хотын Naoum Araj, Jean-Marc Perot ба Robin Provost хэмээх 3 шинийг эрэлхийлэгч биенесменүүдийн санаачлагаар үүсгэн байгуулагдсан. Өнөөдөр Dental Wings компани нь 150 гаран ажилтан ажиллагсадтай болсон төдийгүй шүдний технологийн салбарын олон улсад нэр хүндтэй үйлдвэрлэгч болоод байна.

    Бүхэл арваны хугацаанд Dental Wings-ын алсын хараа өөрчлөгдөөгүй. Энэ нь шүдний эмч мэргэжилтнүүдэд туслах замаар дэлхийн хэмжээний сая сая хэрэглэгчдийн амьдралын чанарыг дээшлүүлэх үндсэн зорилго юм. Үүсэн бий болсон цагаас тус компани 3D дүрслэлийн иж бүрэн бүтээгдхүүний багц, программ хангамжийн шийдлүүдийг өөрийн Монтреал дахь төвдөө бүтээж дэлхий даяар 50 гаран оронд хэрэглэгчиддээ худалдаалж байна. Өнөөгийн байдлаар Dental Wings компаний худалдааны оффисууд Канад, Герман, Франц, БНХАУ-д байрлаж олон улсын чанартай ханган нийлүүлэгч компаниудын үйл ажиллагааг дэмжин хамтран ажиллаж байна.

    “Би Dental Wings компаний гэр бүлд багтаж Монтреалын хамт олны дунд байгаагаараа маш их бахархдаг. Ний нуугүй хэлэхэд Монтреал бол дэлхийн хамгийн динамик инновацийн төв. Энэ ч утгаараа манай команий амжилтанд нөлөө үзүүлсэн төгс байршил юм. Энэхүү амжилт нь дээд зэргийн авьяас чадвартай манай хамт олон, бидний гайхамшигтай хамтрагч түншүүд, ханган нийлүүлэгчид, худалдан авагчид, орон нутгийн ард иргэд болон их сургууль, засгийн газрын дэмжлэгийн үр дүн юм” гэж Dental Wings-ын CEO Mike Rynerson хэлж байна.

    Энэ жил Dental Wings-ын үүсгэн байгуулагдсаны 10 жилийн ойн зэрэгцээ хамтын ажиллагааны хүрээнд хамтран 3D технологийг хөгжүүлсэн NSERC (Канад улсын Байгалийн шинжлэх ухаан, Инженерийн судалгааны хороо) – Инновацийн төлөө олгодог Synergy Award шагналын эзэн Optech ба XVP Photonics компаниудтай хамтын ажиллагаа эхлүүлсэний ой бас тохиож байна. 1995 оноос эхлэн Канад улсын Байгалийн шинжлэх ухаан, Инженерийн судалгааны хороо байгалийн шинжлэх ухаан болон инженерийн судалгааны чиглэлээр ажилладаг Их сургуулиуд болон Үйлдвэрүүдийн хамтын ажиллагааны хүрээнд үүсгэн байгуулагдсан юм.

     

    Бусад мэдээ

    Ivoclar Vivadent эдэд хор хөнөөл багатай шүдний эмчилгээний тухай “Let’s talk truly minimal invasive”онлайн сургалт болно
    Эдэд хор хөнөөл багатай шүдний эмчилгээ буюу Minimally invasive dentistry гэдэг нь шүдний эдүүдэд аль болох бага гэмтэл учруулах хамгийн үр дүнтэй шинэ арга замуудыг нээж илрүүлэхэд чиглэгдсэн тасралтгүй хөгжиж буй хөгжлийн чиг хандлага юм. Энэхүү чиг хандлага нь өвчтөнд учруулах таагүй байдлыг аригахад чиглэгдсэн эдээс хамгийн бага авах, бага зүслэг хийх, түргэн нөхөн сэргээх, өвдөлт хаван хавдар сорвижилтийг багасгах гэх мэт олон зүйлсийг энэ салбарт санал болгоод байна. Тэгвэл Minimally invasive dentistry чиглэлээр Ivoclar Vivadent корпорациас зохион байгуулж буй үнэ төлбөргүй онлайн сургалт 2020 оны 01-р сарын 23 өдөр болох гэж байна.
    2020-01-10 08:46
    Япон улсын засгийн газараас GC корпорацийн захирал Макото Накаогийн нүүр ам судлалын салбарт оруулсан хувь нэмэрийг нь үнэлж “Мандах нар” одонгоор шагналаа
    Япон улсын засгийн газраас GC корпорацийн захирал асан, одоогоор GC International-ын ТУЗ-г даргын алба хашиж буй Макото Накаог Япон улсын эм, эмнэлгийн бүтээгдэхүүний үйлдвэрлэлийн салбарт оруулсан гавьяа зүтгэлийг нь үнэлж тус улсын хамгийн нэр хүндтэй эзэн хааны шагналд тодорхойлсон байна. “Мандах нар” одонг жил бүр Япон усын хөгжил цэцэглэлтэнд үнэтэй хувь нэмэр оруулсан хүмүүст хааны ордонд болох хүндэтгэлийн арга хэмжээн дээр Япон улсын эзэн хаан гардуулдаг.
    2020-01-08 08:26
    Нийслэлийн хүүхдүүдийн шүд угаалтын аварга шалгаруулах тэмцээнд 200 гаруй сурагчид оролцож аваргын төлөө өрсөлдлөө
    Монгол Улсын Засгийн газраас 2018 онд баталсан “Эрүүл шүд - Эрүүл хүүхэд” үндэсний хөтөлбөрийн хүрээнд “Нийслэлийн хүүхдүүдийн шүд угаалтын аварга шалгаруулах тэмцээн” МҮЭСТО-д зохион байгуулагдлаа.
    2019-12-07 12:49