• Dentsply Sirona-ын World Summit Tour цуврал арга хэмжээний энэ жилийн хамгийн сүүлчийн их хурал Шанхай хотод болно
    Ч. Гантөмөр

    SHANGHAI, China: Энэ жилийн хоёрдугаар сард Япон улсын Токио хот, 5-р сард Америкийн Сан-Диего хот, 6-р сард Францын Нице хотод зохион байгуулагдсан World Summit Tour 2017 цуврал арга хэмжээний сүүлийн конференц 11-р сарын 25-26-ы өдрүүдэд БНХАУ-ын Шанхай хотод болох гэж байна.

    Арга хэмжээний талаар дахин сануулахад уг арга хэмжээнд оролцсон хүн бүр олон улсын болон бүс нутгийн экспертүүдийн шинжлэх ухааны сүүлийн үеийн ололт дэвшлийн талаарх лекцүүдэд сууж, олон төрлийн шинэ бүтээгдэхүүнүүд дээр гардан дадлагын семинарт хамрагдаж Dentsply Sirona-ын бүтээгдэхүүнүүдийн иж бүрдэлтэй танилцах боломжтой. Тус компаний бүтээгдэхүүний иж бүрдэлд имплант эмчилгээний иж бүрдэл, оношлогоо, эмчилгээний төлөвлөгөө боловсруулах дүрс оношлогооны төхөөрөмжийн иж бүрдэл, компьютерийн тусламжтай мэс засал хийх, яс нөхөн сэргээх материалууд болон өвчтөнд зориулсан CAD/CAM системийн иж бүрдэл орж байгаа бөгөөд ATLANTIS ба CEREC брэндийн бүтээгдэхүүнүүдтэй биечлэн танилцах боломжтой.

    Их хурлын үеэр оюутан, судлаачид, эмч нар ханын үзүүлэн байдлаар судалгааны материалаа танилцуулах боломжтой бөгөөд эмнэлзүй ба эрдэм шинжилгээ гэсэн хоёр төрлөөр 9-р сарын 15-аас өмнө абстрактаа илгээх хэрэгтэй гэнэ. Эмнэлзүй болон эрдэм шинжилгээ гэсэн төрлүүдээр тус бүр poster presenation-ы уралдаан явуулах бөгөөд дээрх хоёр төрлөөр шалгарсан нэг нэг илтгэгчид тус бүрт нь 1500 еврогийн шагнал олгоно.

    World Summit Tour арга хэмжээний хүрээнд Dentsply Sirona Implants имплантын салбар нь “Because inspiration and confidence matters” уриан дор дэлхийн тойрон аялал, арга хэмжээ зохион байгуулж байгаа ба энэ нь дэлхий даяар имплант эмчилгээ эмчилгээ хийлгэсэн өвчтөнүүдийн амны хөндийн эрүүл мэнд, амьдралын чанарыг дээшлүүлэхэд чиглэгдсэн юм байна.

     

    Бусад мэдээ

    Ivoclar Vivadent эдэд хор хөнөөл багатай шүдний эмчилгээний тухай “Let’s talk truly minimal invasive”онлайн сургалт болно
    Эдэд хор хөнөөл багатай шүдний эмчилгээ буюу Minimally invasive dentistry гэдэг нь шүдний эдүүдэд аль болох бага гэмтэл учруулах хамгийн үр дүнтэй шинэ арга замуудыг нээж илрүүлэхэд чиглэгдсэн тасралтгүй хөгжиж буй хөгжлийн чиг хандлага юм. Энэхүү чиг хандлага нь өвчтөнд учруулах таагүй байдлыг аригахад чиглэгдсэн эдээс хамгийн бага авах, бага зүслэг хийх, түргэн нөхөн сэргээх, өвдөлт хаван хавдар сорвижилтийг багасгах гэх мэт олон зүйлсийг энэ салбарт санал болгоод байна. Тэгвэл Minimally invasive dentistry чиглэлээр Ivoclar Vivadent корпорациас зохион байгуулж буй үнэ төлбөргүй онлайн сургалт 2020 оны 01-р сарын 23 өдөр болох гэж байна.
    2020-01-10 08:46
    Япон улсын засгийн газараас GC корпорацийн захирал Макото Накаогийн нүүр ам судлалын салбарт оруулсан хувь нэмэрийг нь үнэлж “Мандах нар” одонгоор шагналаа
    Япон улсын засгийн газраас GC корпорацийн захирал асан, одоогоор GC International-ын ТУЗ-г даргын алба хашиж буй Макото Накаог Япон улсын эм, эмнэлгийн бүтээгдэхүүний үйлдвэрлэлийн салбарт оруулсан гавьяа зүтгэлийг нь үнэлж тус улсын хамгийн нэр хүндтэй эзэн хааны шагналд тодорхойлсон байна. “Мандах нар” одонг жил бүр Япон усын хөгжил цэцэглэлтэнд үнэтэй хувь нэмэр оруулсан хүмүүст хааны ордонд болох хүндэтгэлийн арга хэмжээн дээр Япон улсын эзэн хаан гардуулдаг.
    2020-01-08 08:26
    Нийслэлийн хүүхдүүдийн шүд угаалтын аварга шалгаруулах тэмцээнд 200 гаруй сурагчид оролцож аваргын төлөө өрсөлдлөө
    Монгол Улсын Засгийн газраас 2018 онд баталсан “Эрүүл шүд - Эрүүл хүүхэд” үндэсний хөтөлбөрийн хүрээнд “Нийслэлийн хүүхдүүдийн шүд угаалтын аварга шалгаруулах тэмцээн” МҮЭСТО-д зохион байгуулагдлаа.
    2019-12-07 12:49