Waterpick гэж юу вэ? Шүдийг хэрхэн цэвэрлэдэг вэ?

Хэдийгээр waterpick буюу шүдний завсарыг усаар шүршиж цэвэрлэдэг төхөөрөмж олон жилийн өмнө хэрэглээнд нэвтэрсэн ч шүдний эмнэлэгт ирж буй ихэнх өвчтөн, үйлчлүүлэгчид энэ төхөөрөмжийн талаар ямар ч ойлголтгүй байх нь элбэг.

Waterpick нь шүдний завсар болон буйлыг даралттай усаар шүршиж цэвэрлэдгээрээ уламжлалт шүдний завсар цэвэрлэх утаснаас ялгаатай. Иймд энэ төрлийн шүд цэвэрлэгч нь уламжлалт аргаас давуу талтай байгаа нь судалгаагаар тогтоогдсон байдаг. Энэ нь шүд ба буйлны завсар наалдсан өнгөрийг илүү сайн цэвэрлэх тул буйлнаас цус гарч үрэвсэхийг намжаадаг бөгөөд бусад олон зүйлсээрээ амны хөндийн эрүүл мэндэд чухал ач тустай төхөөрөмж гэдэг нь нотлогдсон.

Амны эрүүл ахуй хангалтгүй байх, буйлны үрэвсэл, шүдний тулгуур эдийн өвчинд нэрвэгдэх зэрэг нь биеийн эрхтэн тогтолцооны бусад өвчин, өвчлөлүүд тухайлбал Алцгеймер өвчин, үений артрит, чихрийн шижин, зүрх судасны өвчин, хорт хавдар зэргийн шалтгаан болдог нь олон удаагийн судалгаагаар нотлогдсон байна.

Өнөөгийн байдлаар нэлээд олон компаниуд waterpick-ийг үйлдвэрлэн гаргаж байгаагаас Phillips ба Panasonic компаний waterpick-иуд илүү их ашиглагдаж байна. Эдгээр нь өөртөө цахилгаан хураагуур батерей бүхий электрон шүдний сойз мэт зүйл байдаг боловч сойзноос ялгаатай нь өөртөө усны нөөцлүүртэй. Зарим загварын хувьд усны нөөцлүүр нь шүршигчээс тусдаа байдаг ба хоорондоо нарийхан шланкаар холбогддог. Усыг ихэнхдээ хоёр төрлийн даралтаар шүрших ба зарим төхөөрөмжүүд нь усны шүршилтийг тодорхой хэмээр лугших байдлаар шүршдэг ч байна.

Waterpick ашиглан шүдийг цэвэрлэх нь уламжлалт шүдний утсаар цвэрлэх аргачлалаас илүү хялбар тул шүдийг цэвэрлэхэд ердөө нэг минутын хугацаа хангалттай гэж үздэг. Ялангуяа шүдний гажиг заслын зэмсэг зүүсэх өвчтөнүүд ба имплант бүхий хүмүүст шүдээ цэвэрлэхэд илүү хялбар бөгөөд үр дүнтэй.

Судалгаагаар waterpick-аар цэвэрлэх нь буйлны ирмэгээс доор байрлалтай өнгөрийн 99%-ийг цэвэрлэж байгаа нь тогтоогдсон байдаг. Уламжлалт аргатай харьцуулахад буйлны үрэвсэлийг намжаах асуудалд 50%-аар илүү гэнэ. Waterpick-ийг ашиглахад сөрөг зүйл гэж бараг байхгүй бөгөөд үйлчлүүлэгчдийн хувьд овор хэмжээ том байгаа нь уламжлалт шүдний утаснаас сул тал гэж үзэх нь бий.

 

Бусад мэдээ

Зарим шүдний төхөөрөмжийн үүсгэж буй цахилгаан соронзон орноос болгоомжил
Шүдний эмчилгээ болон үйлчилгээний салбарт ашиглагдаж буй гэрлийн аппарат, цахилгаан сойз зэрэг төхөөрөмжүүдийн үүсгэж буй бага давтамжийн цахилгаан соронзон орон нь хүний эрүүл мэндэд хангалттай хор нөлөөтэй болохыг Японы Нийгата хотод байрлах Nippon Их Сургуулийн судлаачид зарлалаа. Туршилтаар индукцын цахилгаан гүйдэл нь зөвхөн амны хөндийд ашиглагддаг металл багажнуудад төдийгүй шүдэнд үүсдэг болохыг илрүүлжээ.
2020-07-23 20:36
Дэлхийд анхдагч нүүрстөрөгчийн нэгдэл агуулсан, хэт авиагаар цэвэрлэгч шүдний сойз
Швейцарын шүдний материалын үйлдвэрлэгч Megasmile фирм дэлхийд анх удаа шүдний гадаргууг зүлгэж өнгөлөх зориулалттай нүүрстөрөгчийн карбон нэгдэл агуулсан хэт авиагаар ажиллагч шүд цайруулах үйлчлэлтэй шүдний сойз үйлдвэрлэлээ. Оонд байдаг зүлгэгч бодисоос ялгаатай нь уг карбон нэгдэл нь паалан тугалмайн эдүүдийг гэмтээлгүйгээр шүдний гадаргууг маш зөөлөн зүлгэж өнгөлдөг бөгөөд шүдний тулгуур эдийн үрэвсэлтэй болон гажиг заслын эмчилгээ хийлгэж буй өвчтөнүүдэд хэрэглэхэд маш тохиромжтой гэнэ. 
2020-07-21 18:50
Тансаг зэрэглэлийн шүдний сойз 3200 еврогоор худалдаалагдна
Ихэнх хүмүүсийн хувьд шүдний сойз бол ердийн өдөр тутмын эрүүл ахуйн хэрэгсэлүүдийн л нэг. Үнийн хувьд тийм ч үнэтэй биш бөгөөд энэ нь тодорхой хугацаанд сойзоо сольж байх боломж олгодог. Тэгвэл Reinast тансаг зэрэглэлийн шүдний сойзыг нэг авсан хүн түүнийг удаан хугацаанд хэрэглэж болох гэнэ.
2020-07-21 18:41