Сүүн шүдний зориулалтын зэвэрдэггүй ган бүрээс(SSC)-ийг хэрэглэх заалт, давуу тал, техник аргачлал

Сүүн шүдийг цоорлоос хамгаалж гадуур нь зэвэрдэггүй ган бүрээс (Stainless  steel  crowns)-ээр бүрэх аргачлал нь практикт шалгарсан шилдэг аргачлалуудын нэг юм. Энэхүү нөхөн сэргээх, хамгаалах аргачлалыг сүүн шүдний маш олон асуудлуудыг шийдэх зорилгоор хэрэглэдэг бол мөн хүүхэд, өсвөр насныхны байнгын шүдний асуудлууд дээр ч ашиглаж болдогоороо давуу талтай. Хүүхдийн шүдний зориулалтын ган бүрээсийг  3M ESPE компани дэлхийн хэмжээнд ханган нийлүүлдэг.

 

Хэрэглэх заалт

  • Олон гадаргууг хамарсан цоорол бүхий сүүн араа шүд (Зураг 22.1)
  • Зөөлцийн эмчилгээ хийлгэсэн сүүн араа шүд (Зураг 22.2)
  • Түргэн явцтай шүдний цоорол бүхий хүүхэд
  • Хөгжлийн асуудлаас шалтгаалсан дутуу хөгжилтэй сүүн шүд. Нэн ялангуяа амелогенез, дентиногенезийн үед хамгаалалтын зорилгоор (Зураг 22.322.5)
  • Сургуулийн өмнөх насны цоорол их хэмжээгээр тархсан хүндрэл бүхий хүүхдэд удаан хугацааны хамгаалалт зайлшгүй шаардлагатай бол
  • Шүдээ хавирах эмгэгтэй хүүхдэд уг эмгэг нь шүдний хатуу эдийг гэмтээх аюултай бол шүдний элэгдэлээс хамгаалалтын зорилгоор
  • Эрдэжилтийн дутмагшилтай байнгын араа шүдэнд хамгаалах зорилгоор

 

Давуу тал

  • Алдаа гарах магадлал бага.Зэвэрдэггүй ган бүрээсийг нэг л суулгасан бол бараг асуудалгүй. Алдаа гарах магадлал судалгаагаар 5 жилийн хугацаанд 5%аас бага байдаг нь тогтоогдсон.
  • Ашиглахад хялбар.Аргачлалыг нь нэг л сурсан байхад ажилбарын хугацаа 2р ангиллын цооролд композит ломбо тавихаас ч богино.
  • Үнэ өртөг хямд.Ашиглахад хялбар болон алдаа гарах нь бага зэрэг нь энэ ажилбарыг өртөг хямд ажилбар гэж тооцох боломжтой болгож байна.

 

Гоо сайхны асуудал

Практик туршлагаас харахад зарим нэг эцэг эхчүүд зэвэрдэггүй ган бүрээсний гоо сайхны асуудал дээр санаа зовдог нь ажиглагддаг. Гэхдээ энэ нь тухайн хүн амын соёлын ялгаатай байдлаас хамаарах ба  улс орнуудын хооронд зөрөөтэй байдал ажиглагддаггүй. Үүнийг шийдэх зорилгоор зарим тохиолдолд бүрээсний нүдэнд үзэгдэх хэсгийг композит материалаар орлуулах шаардлага гардаг ч өнөө үед зориулалтын гоо сайхны шаардлага хангасан бүрээсүүд мөн үйлдвэрлэгддэг болоод байна.

 

Урьдчилан нүүрэвчилж бэлтгэсэн NuSmileRбүрээс(Зураг 22.7)

Зэвэрдэггүй ган бүрээсний гоо сайхны асуудалд санаа зовж байгаа хүмүүст зориулан урьдчилан нүүрэвчилж шүдний өнгөтэй болгож бэлтгэсэн бүрээс. Шүд засалт нь уламжлалт ган бүрээснээс ялгарах ба шүдийг илүү их хэмжээгээр өөлж авах шаардлагатай. Мөн буйлны доор байрлалтай feather-edge margin гаргаж өгөх ёстой. Бүрээсийг ган бүрээсээс илүү нямбай тааруулах ёстой бөгөөд учир нь бүрээсийг нүүрэвчилсэн хуванцар хөшигдөж хагарах магадлалтай. Ган бүрээсний адил техник аргачлалыг нэг удаа сураад авчихсан байхад хялбархан. Шүдний гоо сайхныг маш сайн сэргээж өгөх бөгөөд glass ionomer cement ашиглан наасан үед ашиглалт даах чадвар сайжирч удаан хугацаагаар ашиглах боломжтой.

 

The  Hall  technique

Сүүлийн үед зарим нэгэн хэвлэл дээр уламжлалт ган бүрээсийг ашиглахдаа шүдний цоорлоос бараг авахгүйгээр шүдийг засалгүй шууд хэрэглэх аргачлалын тухай гарах болсон. Хэсгийн мэдээ алдуулалт ашиглалгүйгээр бүрээсийг хүүхдийн шүдэнд шууд хураагаар шахаж дарж суулгах эсвэл хүүхдийг өөрөөр нь хазуулах аргыг хэрэглэдэг. Энэ аргачлалыг дэмжигчдийн хэлж байгаагаар үүнийг ашиглах нь хүүхдэд нэмэлтээр ямар нэг таагүй байдал үүсгэдэггүй төдийгүй бүрээсийг шүдэнд нэгэнт цементээр наасан бол битүүмжлэл үүссэний улмаас шүдний цоорол удааширч, зогсдог гэж үздэг.

 

Олон гадаргууг хамарсан цоорлын үед ган бүрээс хэрэглэсэн байдал

Паалангийн дутуу хөгжилтэй сүүн шүдэнд ган бүрээс хэрэглэсэн байдал

Гоо сайхны шаардлага хангасан NuSmileRбүрээс. А) Шүд засалт В) Бүрээсийг суулгасан байдал

 

 

 

Бусад мэдээ

Хүүхдийн шүдний завсрыг цэвэрлэх шаардлагатай
Хэрэв таны хүүхэд хоёр ой хүрсэн бол та хүүхдийнхээ шүдийг завсрын утас хэрэглэж цэвэрлэж эхлэх хэрэгтэй. Шүдний завсарыг утсаар цэвэрлэх нь шүдний завсар хооронд хуримтлагддаг сойзоор угаахад арилдаггүй нян бактерийг арилгах бөгөөд энэ нь шүд болон эргэн тойрны буйлыг эрүүл байхад маш том нэмэр болно. Шүдний завсрыг ойрхон ойрхон бус ч долоо хоногтоо ядаж хоёр удаа шүдний завсрын утсаар цэвэрлэж өгч байх хэрэгтэй.
2020-07-21 12:53
Хуруугаа хөхөх буруу зуршил ямар үр дагаварт хүргэх вэ?
Хөхөх гэдэг нь нярай хүүхдэд заяадаг төрөлхийн рефлекс бөгөөд үүнийхээ тусламжтайгаар  төрсөний дараа хөхөө олж хөхөж чаддаг. Хөхөх нь зөвхөн  хоол  тэжээлээ  олж идэх рефлексээс гадна хүүхдийг тайвшруулах, хүүхдэд тав тухтай мэдрэмж төрүүлдэг зүйл юм. Хүүхэд том болохын хэрээр өөрийгөө тайвшруулах, тав тухтай болгох ямар нэгэн зүйл хайж олох бөгөөд энэ нь хуруугаа хөхөх буруу зуршил үүсэх шалтгаан болдог. Ихэнх хүүхдүүд 2 насны үеэсээ сэтгэл санаа тавгүй үедээ хуруугаа хөхөж эхлэх бөгөөд 4 насны үед өөрөө аяндаа хөхөхөө больдог.
2020-07-21 12:00
Хүүхдийн шүдийг эмчлэхэд унтуулга мэдээ алдуулалт (sedation) хэрэглэх нь аюултай юу?
Хэрэв хүүхэд нь шүдний эмчилгээ хийлгэх үедээ унтуулга мэдээ алдуулалт (sedation) авч байгаа тохиолдолд мэдээ алдуулалтын аюулгүй байдал гэдэг гэр бүлийн хэн бүхний санааг зовоодог асуудал юм. Шүдний эмч нар унтуулга мэдээ алдуулалтыг ихэнхдээ шүдний эмнэлгээс айх айдас түгшүүрийн зэрэг хэт өндөр бага насны хүүхдүүдэд удаан хугацаатай, иж бүрдэл эмчилгээ хийхдээ ашигладаг.
2020-07-21 11:57