Шүдний сойзоо хэрхэн сонгож худалдаж авах вэ?

1930-аад оны үед анхны нейлон үстэй шүдний сойз зохион бүтээгдэж байсан боловч тэр үед одоогийнх шиг олон төрлийн сонголт байгаагүй байна. Өнөө үед бид дэлгүүрээс хүссэн төрлийн хэлбэр хэмжээтэй нэг удаагийн, цахилгаан гэх мэтчилэн янз бүрийн сойзыг худалдан авах боломжтой болжээ.

Ерөнхийд нь сойзыг manual(гар ажиллагаатай) болон powered(цахилгаан) гэж 2 хувааж байгаа.

Хэмжээ- хамгийн сайн шүдний сойзны толгой хэсэг нь таны шүдний бүх гадаргууг сайн угааж байх ёстой. Ихэнх насанд хүрсэн хүний шүдний сойзны толгойн өргөн хагас инч (1.27см), өндөр нь 1 инч (2.54см) байвал хамгийн боломжийн гэж үздэг. Үүнээс илүү том байж болох ч таны арын араа шүднүүдийг сайн угаах боломжгүй юм.

Сойзны үсний төрөл-та дэлгүүрт худалдаалагдаж байгаа сойзон дээрээсээ soft(зөөлөн), medium(дундаж), hard(хатуу) гэсэн 3 төрлийн нейлон үстэй сойзноос харж сонголт хийх боломжтой. Мөн өөртөө таарсан гарт баригдахад эвтэйхэн, толгойн хэлбэр нь тэгш өнцөгт, зуйван дугуй, үс нь хавтгай эсвэл бөөрөнхий хэлбэрийн гэх мэтчилэн тухайн үйлдвэрийн онцлогоос нь хамаарсан янз бүрийн сойзноос өөрт таалагдсан аль эвтэйхнээ сонгох боломжтой.

Хүмүүсийн нэг буруу ойлголт нь анх хэрэглэж сурсан шүдний сойзоо дахин дахин худалдаж авах гээд байдаг. Эсвэл хатуу үстэй сойзоор угаавал сайн угаагддаг гэж ойлгодог. Гэтэл шүдэн дээр хэт их даралт өгж угааснаар таны буйл шархалж, шамрахаас гадна шүдний хүзүүвч хэсэгт яваандаа элэгдэл үүсдэг үүнийг эмгэг элэгдэлгэж нэрлэдэг.

Эмгэг элэгдлийн шинж нь шүдний хүзүүвч хэсгээр мэдрэг болхоос гадна янгинаж өвддөг. Үзлэгээр баруун талаараа бичдэг хүмүүсийн зүүн талын шүдэнд , зүүн гараараа бичдэг хүмүүсийн баруун талд илүү их элэгдэл ажиглагддаг. Хатуу үстэй сойзыг хэрэглэж болох боловч шүдэн дээр ирэх даралтийг сайтар тооцоолох хэрэгтэй.

Шүдний мэргэжилтнүүдийн хамгийн их санал болгодог нь зөөлөн үстэй сойз юм. Энэ нь таны буйл болон шүдний өнгөрийг сайн цэвэрлэхэд хамгийн сайн гэдэгт хүлээн зөвшөөрсөн байна.

АНУ-ын мэргэжилнүүдийн зөвлөж байгаагаар Америкийн Шүдний Холбооноос (ADA) баталгаажсан шүдний сойзыг сонговол илүү аюулгүй найдвартай гэж үздэг.

Сонголт:Та шүдээ 2 минутын турш зөв угааж чадаж байвал таньд электрон шүдний сойз шаардлагагүй боловч хэрвээ та шүдээ угаахаас залхуурдаг эсвэл хөдөлгөөний ямар нэгэн хязгаарлалттай бол цахилгаанаар ажилладаг шүдний сойз таньд хэрэгтэй байж болох юм.

АНУ-ын 30-аад хүнтэй судалгааны баг manual болон электрон шүдний сойзны хооронд судалгаа хийж үзэхэд өнгөр арилгах чадвар болон буйлны үрэвслээс урьдчилан сэргийлэх тал дээр гар ажилагаатай болон цахилгаан сойзны хооронд онцын ялгаа байгаагүй байна.

 

Бусад мэдээ

Зарим шүдний төхөөрөмжийн үүсгэж буй цахилгаан соронзон орноос болгоомжил
Шүдний эмчилгээ болон үйлчилгээний салбарт ашиглагдаж буй гэрлийн аппарат, цахилгаан сойз зэрэг төхөөрөмжүүдийн үүсгэж буй бага давтамжийн цахилгаан соронзон орон нь хүний эрүүл мэндэд хангалттай хор нөлөөтэй болохыг Японы Нийгата хотод байрлах Nippon Их Сургуулийн судлаачид зарлалаа. Туршилтаар индукцын цахилгаан гүйдэл нь зөвхөн амны хөндийд ашиглагддаг металл багажнуудад төдийгүй шүдэнд үүсдэг болохыг илрүүлжээ.
2020-07-23 20:36
Дэлхийд анхдагч нүүрстөрөгчийн нэгдэл агуулсан, хэт авиагаар цэвэрлэгч шүдний сойз
Швейцарын шүдний материалын үйлдвэрлэгч Megasmile фирм дэлхийд анх удаа шүдний гадаргууг зүлгэж өнгөлөх зориулалттай нүүрстөрөгчийн карбон нэгдэл агуулсан хэт авиагаар ажиллагч шүд цайруулах үйлчлэлтэй шүдний сойз үйлдвэрлэлээ. Оонд байдаг зүлгэгч бодисоос ялгаатай нь уг карбон нэгдэл нь паалан тугалмайн эдүүдийг гэмтээлгүйгээр шүдний гадаргууг маш зөөлөн зүлгэж өнгөлдөг бөгөөд шүдний тулгуур эдийн үрэвсэлтэй болон гажиг заслын эмчилгээ хийлгэж буй өвчтөнүүдэд хэрэглэхэд маш тохиромжтой гэнэ. 
2020-07-21 18:50
Тансаг зэрэглэлийн шүдний сойз 3200 еврогоор худалдаалагдна
Ихэнх хүмүүсийн хувьд шүдний сойз бол ердийн өдөр тутмын эрүүл ахуйн хэрэгсэлүүдийн л нэг. Үнийн хувьд тийм ч үнэтэй биш бөгөөд энэ нь тодорхой хугацаанд сойзоо сольж байх боломж олгодог. Тэгвэл Reinast тансаг зэрэглэлийн шүдний сойзыг нэг авсан хүн түүнийг удаан хугацаанд хэрэглэж болох гэнэ.
2020-07-21 18:41