Зүрхний эмгэг үүсгэгч, үхэлд хүргэгч гол хүчин зүйлсийн нэг нь буйлны үрэвсэл болохыг та мэдэх үү?

Эрүүл хооллолт болон дасгал хөдөлгөөн нь зүрхний эрүүл байх нөхцөлийг хангах маш чухал хүчин зүйлс боловч саяхан хийгдсэн нэгэн судалгаагаар шүд угаах нь мөн түүнээс дутахгүй чухал зүйл болохыг олж илрүүлсэн байна.

University of Alberta-ийн Шүдний Сургуулийн профессор Maria Febbraio-ийн удирдлаган дор хийгдсэн судалгаагаа нь PLOS ONE шинжлэх ухааны сэтгүүлд хэвлэгдсэнээс харвал шүдний тулгуур эдийн өвчин ялангуяа буйлны үрэвсэл болон судас хатуурах өвчний хооронд маш хүчтэй хамаарал байгаа нь тогтоогдсон гэнэ.

Лабораторийн нөхцөлд хулгана дээр хийсэн туршилтаар тулгуур эдийн өвчнийг үүсгэгч нян бактериудын ялгаруулдаг химийн нэгдэл нь судасны хананд өнгөр тогтоход нөлөөлдөг болохыг олж илрүүлжээ. Түүнчлэн судалгааны явцад олж илрүүлсэн өөр нэг зүйл нь зүрхний өвчинд өртөх эрсдэлт хүчин зүйлсийг бууруулах биологийн эмчилгээний шинэ хувилбар гэнэ.

Канад улсын статистикийн мэдээллээс үзвэл тус улсын хэмжэгээр нийт нас барсан иргэдийн 29% нь зүрх судасны өвчлөлөөр нас барсан бол тэдгээрийн 54% нь зүрхний титэм судасны шалтгаант үхэл байсан байна. Энэ нь судасны ханын хатуурлаас шалтгаалсан эмгэг юм.

Канадын Шүдний Холбооны мэдээллээр Канад улсын иргэдийн 10 хүн тутмын 7 нь шүдний тулгуур эдийн өвчний ямар нэг хэлбэрээр амьдлралынхаа туршид өвчилдөг гэсэн байна.

Буйлны үрэвсэл болон шүдний өвчний ялгаруулж буй халдварт нянгууд нь бүхий л биеийн эрхтэн тогтолцоонуудад дамжин халдварласнаар тэдгээрийг өвчлүүлж улмаар үе солих мэс засал, эрхтэн шилжүүлэх, зүрхний мэс засалд орох зэрэг хүнд мэс заслын өвчнүүдийн анхдагч шалтгаан нь болдог байна.

Энэхүү судалгааг гүйцэтгэсэн судлаач нар шүдний тулгуур эдийн өвчин болон амны эрүүл ахуйн хангалтгүй байдал нь зүрхний өвчин тусахад томоохон шалтгаан болдгийг олон нийтэд сайтар ойлгуулах, ухуулан сурталчилах хэрэгтэй гэж зөвлөж байна.

Бусад мэдээ

Буйлны үрэвсэл амны хөндийн үрэвслийг өөрөө эмчлэх гэж оролдох хэрэггүй. Мэргэшсэн эмчид хандагтун
Шүдний холбогдолтой сайтал тавигдсан мэдээллийн дор “буйлны үрэвсэлийг яаж эмчилэх вэ?” гэж асуусан байх нь олонтоо. Тэгмэгц түүн дээр дөрөөлөн сайн дурын их мэдэгч нар түмэн янзын зөвлөгөө бичсэн байдаг. Эмч гэхээс илүү өөр хоорондоо ч бид нар ихэвчлэн зөвлөгөө өгдөг. За бараг иог хий л гэх нь бараг.
2020-07-23 20:10
Буйлнаас цус гарах эмгэг
Зарим үед хатуу хоол хүнс зажлаж байх үед эсвэл шүд угаах үед, шүдний завсрыг утсаар цэвэрлэж байх үед буйлнаас цус гарах нь бий. Хэрэв яг хаанаас цус гарч байна гэдгээ олж чадах юм бол яг тэр хэсэгт буйл нь ердийн буйлнаас илүү улайсан харагдана. Хэрэв буйлнаас цус гарч байгаа л бол түүнийг дахин аль болох цочроохгүй байхын тулд хатуу хоол хүнс идэхдээ, шүд угаахдаа, шүдний завсар цэвэрлэхдээ болгоомжтой байх хэрэгтэй.
2020-07-21 20:58
Буйлны ховил гүн байх нь амны хөндийн эрүүл мэнд эрсдэлд орсоныг илтгэнэ
Америкийн Шүдний Холбоо (American Dental Association)-ы мэдээллээр бол шүдгүйдэлд хүргэж байгаа шалтгааны 90% нь холбоосын үрэвсэл болон шүдний цоорлын хүндрэл гэнэ. Америкийн Өвчний Хяналт Урьдчилан сэргийлэлтийн Төв (Centers for Disease Control and Prevention)-ийн мэдээллээр Америкийн иргэдийн бараг тэн хагас нь шүдний холбоос эдийн үрэвсэл өвчинд нэрвэгдсэн гэнэ.
2020-07-21 20:44