• Ислэгийн агууламж өндөр хоол хүнсний хэрэглэх нь амны хөндийн эрүүл мэндэд ашиг тустай болохыг тогтоолоо

    Саяхан хийгдсэн нэгэн судалгаагаар ислэгийн агууламж өндөр, бүдүүн ширхэгтэй үр тариан гаралтай хоол хүнсний хэрэглээ халдварт бус өвчний эрсдэлээс сэргийлэх асуудалд хэрхэн нөлөөлж байгааг тогтоосон байна. Энэхүү судалгааг Отаго Их Сургуулийн судлаачид гүйцэтгэсэн бөгөөд бүдүүн ширхэгтэй борог хоол хүнс болон ислэгийн агууламжтай хоол хүнсний хэрэглээний талаар нэлээд сайн нотолгоо болохуйц баримтуудыг гаргаж иржээ. Үүний үр дүнд ислэгийн агууламж өндөр ширхэглэг борог хоол хүнс нь амны хөндийн эрүүл мэндэд ашиг тустай болохыг судлаачид зөвлөж байна.

    Судалгаанд 185 проспектив судалгаа, 58 эмнэлзүйн туршилт судалгааны баримтыг хамруулж  нийтдээ 4635 насанд хүрсэн хүний дата өгөгдөл дээр боловсруулалт хийжээ. Судалгааны дата үзүүлэлтээр ислэгийн агууламж хамгийн өндөр хоол хүнсний хэрэглээ ба ислэгийн агууламж хамгийн бага хоол хүнсний хэрэглээ хооронд харьцуулалт хийхэд зүрхний шигдээс, цус харвалт, 2-р төрлийн чихрийн шижин өвчний тархалтын хооронд 15-30 хувийн ялгаа ажиглагдсан байна. 

    Судлаачдын зөвлөж байгаагаар хүн өдөртөө ядаж 25-29 грамм ислэгийг хоол хүнснээс заавал авч байх ёстой байтал ихэнх хүмүүс 20 грамаас доош хэмжээний ислэг авч байна. 

     

    Судалгааны багийн ахлагч Отаго Их Сургуулийн анагаахын салбарын судлаач Andrew Reynolds эмч ислэгийн агууламж өндөр ба бүдүүн ширхэгтэй үр тариан гаралтай хоол хүнсний хэрэглээний талаар хийсэн судалгааны баримтад үндэслэн ийм төрлийн хоол хүнсний хэрэглээ амны хөндийн эрүүл мэндэд тустай болохыг батлаж байна. Andrew Reynolds-ийн судалгааны баг бүдүүн ширхэгтэй гурилан бүтээгдэхүүнийг зажлахад бүдүүн ширхэг нь шүдний гадаргууг хусах замаар өнгөр тогтолтоо сэргийлэх төдийгүй хивэгний найрлаганд агуулагдах нэгдлүүд нь нянгийн өсөлтийг зогсоодог гэж үзэж байна. 

     

    Энэхүү судалгаа нь “Carbohydrate quality and human health: a series of systematic reviews and meta-analyses” гарчигтайгаар  The Lancet сэтгүүлийн 2019 оны 1-р сарын дугаарт нийтлэгдсэн байна. 

    Бусад мэдээ

    Хүүхдийн амны эвгүй үнэрийн шалтгаан, эмчилгээ, урьдчилан сэргийлэлт
    Насанд хүрэгчдийн дунд амны эвгүй үнэр нь дасал болсон нэлээд элбэг тохиолддог эмгэг бөгөөд хоол хүнс ба шүд, буйлны өвчний шалтгаантай байх нь элбэг.
    2019-09-05 21:33
    Чихрийн шижин өвчин ба амны хөндийн эрүүл мэнд
    Сүүлийн жилүүдэд маш олон судлаачид чихрийн шижин өвчин ба шүдний тулгуур эдийн өвчний хоорондын хамаарлын чиглэлээр мөшгин судласан судлагааны ажлуудыг хэвлүүлсээр байна.
    2019-09-05 21:22
    Хүүхдийн амнаас эвгүй үнэр үнэртэх гайхмаар 5 шалтгаан
    Унтахаасаа өмнө шүдээ угааж сурах нь хүүхдэд амны хөндийн эрүүл мэндийн маш чухал дадал зуршил суухад туслана.
    2019-09-05 21:19