Улаан вино - Шүдний өвчнөөс сэргийлэх ам зайлагчаар ашиглаж болох уу?

Үдэш унтахдаа шүдний эрүүл мэнддээ анхаардаг хэн бүхэн шүдээ угааж, шүд хоорондын завсар хоорондохоо шүдний утсаар цэвэрлэж бас зарим нэг нь нэмэлтээр ам зайлагч уусмалаар амаа зайлдаг. Тэгвэл эдгээр зүйлс дээр нэмэлтээр хэрэглэж болох нэг баяртай мэдээ дуулгахад унтахдаа вино уух нь шүдний эрүүл мэндэд тустай байж болох тухай нэгэн судалгааны материал нийтлэгдсэн байна.

Тодруулбал вино уух нь шүдний эрүүл мэндэд хор хөнөөлтэй нян бактерийн үржиж олшрох идэвхийг таслан зогсоодог тухай шинжлэх ухааны өгүүлэл ACS’ Journal of Agricultural and Food Chemistry сэтгүүлд нийтлэгдсэн байна.

Маш олон төрлийн ургамал болон жимс өөртөө полифенол хэмээх эрүүл мэндийн ашиг тустай нэгдэл агуулдаг. Полифенол нь зүрх судасны өвчин ба чихрийн шижин өвчнөөс урьдчилан сэргийлэхэд ашиг тустай болох нь нэгэнт тогтоогдсон байдаг. Үүний зэрэгцээгээр полифенолын бас нэг чухал үүрэг нь ходоод гэдэсний замын нян бактерийн өсөлтийг таслан зогсоодог явдал юм. Энэ үйлчлэл нь амны хөндийн эрүүл мэндийн ашиг тустай.

Полифенол өөрөө нянгийн эсрэг өндөр идэвхтэй үйлчлэлтэй ч харамсалтай нь улаан дарсанд маш бага хэмжээний полифенол агуулагддаг. Энэ нь дангаараа амны хөндийн нян бактерийн эсрэг шууд үйлчилж дийлэхгүй боловч полифенолын бас нэг чухал шинж чанар нь нян бактерийг эстэй холбогдох явцыг удаашруулах, саатуулах үйлчлэлтэй.

Шүдний өвчлөлийн гол шалтгаан болдог Streptococcus mutans бактери л гэхэд полифенолын үйлчлэлээр 20-40%-аар үйл ажиллагааны идэвхээ алдаж байгааг тогтоосон байна. Мөн шүдний тулгуур эдийн өвчний гол шалтгаан болдог Porphyromonas gingivalis нян ч идэвхээ алдаж байжээ.

Судлаачид өгүүллийн дүгнэлт хэсэгтээ “усан үзэмний гаралтай полифенолыг шүд цоорох өвчин ба шүдний тулгуур эдийн өвчнөөс урьдчилан сэргийлэх байгалийн гаралтай аргачлал байдлаар дангаар нь ашиглаж болохоос гадна бусад эмчилгээтэй хавсруулан ашиглаж болно” гэж дүгнэснийг дуулгахад таатай байна.

Улаан вино мэдээж шүдний өнгө хувиргадаг сөрөг талтайг мартаж болохгүй ч шүдний өвчөөс сэргийлэх ашиг тусыг нь бодвол оройдоо ганц хундага виногоор амаа зайлахад юу нь болохгүй гэж...

Бусад мэдээ

​​Төмрийн бэлдмэл, витаминууд нь шүдний өнгийг өөрчилдөг үү?
Төмрийн бэлдмэлийг зажилж уухад буйл болон шүдний өнгөртэй хэсэгт түр зуурын өнгөний өөрчлөлт өгч болох бөгөөд энэ нь шүдийг угаах үед арилдаг. Учир нь төмрийн сульфид нь төмрийн бэлдмэлийн химийн уусдаггүй хэлбэр бөгөөд буйлны хүзүүний шингэн болон өнгөр дэх бактерийн устөрөгчийн сульфидтэй харилцан үйлчилж (ион хэлбэрээр) төмрийн толбо үүсгэдэг байна .
2022-02-08
Сөргөө өвчин таны хэлэнд хэрхэн нөлөөлдөг вэ?
   Тийм ээ, сөргөө өвчинтэй хүмүүсийн амтлах мэдрэхүйд өөрчлөлт илэрдэг. Гашуун, исгэлэн амт зарим хүмүүст төмөр шиг амтлагддаг. 2017 онд хийгдсэн судалгаагаар ходоод улаан хоолойн сөргөө өвчинтэй хүмүүсийн дийлэнх хувьд чихэрлэг, давсархаг, гашуун амт үнэрийг өмнөхөөсөө муу мэдэрдэг болсон гэсэн үр дүн гарсан байна. 
2022-01-28
Ногоон цай хэрэглэх нь шүд цоорох өвчнөөс сэргийлдэг
 Ногоон цайнд хүний биеийн дархлааны системийг сайжруулах олон төрлийн бодис агуулагддаг. Ногоон цайны хуурай жингийн 30 орчим хувийг полифенолууд (катехин) эзлэх бөгөөд эдгээр нь маш ашиг тустай нэгдэл юм. Ногоон цайнд эпикатехин галлат (ЭКГ), эпикатехин, эпигаллокатехин, эпигаллокатехин галлат дөрвөн төрлийн полифенолууд (катехин) агуулагддаг. Мөн ногоон цайнд полифенолуудаас гадна каротинойд, токоферол, аскорбины хүчил (витамин С), хром, манган, селен, фтор, цайр гэх мэт эрдэсүүд зарим фитохимийн нэгдлүүд агуулагддаг.
2022-01-17