Пробиотик бичил биетнүүдийн эрүүл мэндэд үзүүлэх эерэг нөлөө

Дэлхийн Эрүүл Мэндийн Байгууллагын тодорхойлсоноор Пробиотик бичил биетнүүд гэдэг нь бие организмд тодорхой тоо хэмжээгээр байдаг бөгөөд орчин тойрныхоо эмэг төрүүлэгч бичил биетүүдийг дарангуйлж бие организмд эерэг нөлөө үзүүлдэг бүлэг микроорганизмуудыг хэлдэг байна. Эдгээр биетүүд ходоод гэдэсний замд байралдаг бөгөөд хүний биед эмгэг үүсгэдэггүй бөгөөд мөн хоруу чанаргүй.


Пробиотикуудыг өнөө үед халдварт өвчин болон харшилын өвчнөөс урьдчилан сэргийлэх болон эмчилгээний зорилгоор ашиглаж байна. ( Hatakka and Saxelin 2008.) Зарим орнуудад пробиотокийг балчир насны хүүхдэд хүнсний нэмэлт байдлаар өгөхийг зөвлөдөг бөгөөд учир нь эдгээр бичил биетүүд нь хүүхдийн дархлалын системийг удаан хугацааны туршид тогтвортой дэмжиж сайжруулдаг. Энэ зорилгоор  Bifidobacterium lactis BB-12 болон Lactobacillus rhamnosus GG-г ашигладаг. (Rautava et al. 2009). Пробиотокуудыг амаар залгиулсаны дараа хоол боловсруулах эрхтэнд тархаж шаардлагатай эрхтэн дээрээ очиж суурьшдаг. Пробиотикуудыг таблет, бохь, бяслаг, сүү, тараг зэрэг олон хүнсний зүйлд хольж хэрэглэдэг байна.


Хоол хүнсний хольц байдлаар   lactobacilli болон bifidobacteria-г илүү их хэрэглэж байна.
Судалгаагаар пробиотик бичил биетнүүд нь амны хөндийн шүдний цоорол үүсгэгч нянгуудын шүд цоолох үйлчилгээг удаашруулах үйлчилгээтэй болох нь батлагдсан. Түүнчилэн пробиотик бичил биетнүүдийг амны хөндийн эрүүл ахуйн бүтээгдэхүүнүүдэд шингээж өгч шүдний холбоосын үрэвсэл, амны эвгүйүнэр дарах зэрэгт хэрэглэж байна.

Бусад мэдээ

​​Төмрийн бэлдмэл, витаминууд нь шүдний өнгийг өөрчилдөг үү?
Төмрийн бэлдмэлийг зажилж уухад буйл болон шүдний өнгөртэй хэсэгт түр зуурын өнгөний өөрчлөлт өгч болох бөгөөд энэ нь шүдийг угаах үед арилдаг. Учир нь төмрийн сульфид нь төмрийн бэлдмэлийн химийн уусдаггүй хэлбэр бөгөөд буйлны хүзүүний шингэн болон өнгөр дэх бактерийн устөрөгчийн сульфидтэй харилцан үйлчилж (ион хэлбэрээр) төмрийн толбо үүсгэдэг байна .
2022-02-08
Сөргөө өвчин таны хэлэнд хэрхэн нөлөөлдөг вэ?
   Тийм ээ, сөргөө өвчинтэй хүмүүсийн амтлах мэдрэхүйд өөрчлөлт илэрдэг. Гашуун, исгэлэн амт зарим хүмүүст төмөр шиг амтлагддаг. 2017 онд хийгдсэн судалгаагаар ходоод улаан хоолойн сөргөө өвчинтэй хүмүүсийн дийлэнх хувьд чихэрлэг, давсархаг, гашуун амт үнэрийг өмнөхөөсөө муу мэдэрдэг болсон гэсэн үр дүн гарсан байна. 
2022-01-28
Ногоон цай хэрэглэх нь шүд цоорох өвчнөөс сэргийлдэг
 Ногоон цайнд хүний биеийн дархлааны системийг сайжруулах олон төрлийн бодис агуулагддаг. Ногоон цайны хуурай жингийн 30 орчим хувийг полифенолууд (катехин) эзлэх бөгөөд эдгээр нь маш ашиг тустай нэгдэл юм. Ногоон цайнд эпикатехин галлат (ЭКГ), эпикатехин, эпигаллокатехин, эпигаллокатехин галлат дөрвөн төрлийн полифенолууд (катехин) агуулагддаг. Мөн ногоон цайнд полифенолуудаас гадна каротинойд, токоферол, аскорбины хүчил (витамин С), хром, манган, селен, фтор, цайр гэх мэт эрдэсүүд зарим фитохимийн нэгдлүүд агуулагддаг.
2022-01-17