АШУҮИС, Нүүр ам судлалын сургууль ЭМЯ, Нүүр ам судлалын мэргэжлийн салбар зөвлөлийн гишүүд Хөдөлмөр, Нийгмийн хамгааллын яамны сайдтай зөвлөлдөх уулзалт хийлээ

АШУҮИС, Нүүр ам судлалын сургууль, ЭМЯ, Нүүр ам судлалын мэргэжлийн зөвлөлийн гишүүд өнөөдөр Хөдөлмөр, Нийгмийн хамгааллын яамны сайд А.Ариунзаяатай шүдний эмчийн туслахын сургалтын талаар зөвлөлдөх уулзалт хийлээ.

Уулзалтанд АШУҮИС-н Нүүр ам судлалын сургуулийн захирал АУ доктор Б.Батбаяр, Нүүр ам судлалын салбар зөвлөлийн гишүүдийн төлөөлөл тус яамны Мэргэжлийн боловсрол, сургалтын бодлогын хэрэгжилтийг зохицуулах газрын дарга А.Халиунаа нар оролцож туслахын сургалт явуулахад тулгамдаж байгаа асуудлын талаар харилцан санал солилцож, зөвлөлдлөө.

Шүдний эмчийн туслахын сургалт явуулахад тулгамдаад байгаа асуудал бэрхшээлийн талаар харилцан санал солилцсоны дараа Хөдөлмөр, Нийгмийн хамгааллын яамны сайд А.Арунзаяа Шүдний эмчийн туслахын сургалтыг эхлүүлэх асуудалд дэмжлэг үзүүлэхийг А.Халиунаа даргад үүрэг болголоо.

Ийнхүү тус сургалтыг явуулахад тулгамдаад байсан асуудлыг Хөдөлмөр, Нийгмийн хамгааллын яам шийдвэрлэж өгөхөөр боллоо.

 

 

Бусад мэдээ

"Шүдний эмчийн туслах" сургалт
Монгол улсын 21 аймаг 330 сумаас шүдний эмчийн туслах бэлтгэх сургалтыг эхлүүлээд байна
2022-05-02
АШУҮИС, Нүүр Ам Судлалын Сургууль Шүдний эмчийн туслах (Dental Assistant) мэргэжилтний төгсөлтөө хийлээ
АШУҮИС-н Нүүр Ам Судлалын Сургууль тодорхойгүй шалтгааны улмаас элсэлтээ авахгүй зогсоод байсан Шүдний эмчийн туслахын сургалтыг дахин эхлүүлж шинэчилсэн хөтөлбөрийн дагуу 6 сарын хугацаанд сургалт явуулж өнөөдөр тус элсэлтийн анхны (4 дэх удаагийн) төгсөлтөө хийж төгсөгчдөд мэргэжлийн үнэмлэхийг гардуулан өглөө. Туслахын сургалтанд тулгамдаад байсан асуудал одоо бүрэн шийдэгдсэн бөгөөд АШУҮИС-н НАСС Хөдөлмөр нийгмийн хамгааллын яамнаас тус сургалтыг явуулах гэрчилгээг албан ёсоор авч, туслахын ажлын байрны тодорхойлолтыг ЭМЯ-аар батлуулж Нүүр ам судлалын салбарын албан ёсны хүний нөөцийг жагсаалтанд оруулж батлуулаад байна.
2022-04-01
ШҮДНИЙ ЭМЧИЙН ТУСЛАХ МЭРГЭЖИЛТЭН БЭЛТГЭХ 6 САРЫН ӨДРИЙН АНГИЙН 2022 ОНЫ ЭЛСЭЛТИЙН БҮРТГЭЛ ЭХЭЛЛЭЭ
АШУҮИС-ийн НАСС-ийн “Шүдний эмчийн туслах” ангийн элсэлтийн бүртгэлийг 2022 оны 02 дугаар сарын 15-ны өдрөөс 2022 оны 02 дугаар сарын 22-ны өдрийн хооронд явуулах бөгөөд Хөдөө орон нутгаас элсэх хүсэлт гаргагчид oyungerel.du@mnums.edu.mn цахим хаягаар бүрдүүлэх материалыг илгээж бүртгүүлнэ. Улаанбаатар хотоос элсэгчид АШУҮИС, НАСС-ийн 4 давхарт 409 тоот өрөөнд Д.Оюунгэрэл ажилтанд материалаа бүрдүүлэн хүлээлгэн өгнө. Элсэгчдийн тоо хязгаартай бөгөөд сонгон шалгаруулалтаар элсүүлж авна.
2022-02-16