• info
    АУ доктор Ч.Гантөмөр

    Монголын нүүр ам судлалын салбарын мэдээллийн цахим хөтөч Shud.mn сайттай танилцаж байгаад талархалаа илэрхийлье.

    ShudMN сайт 2008 онд байгуулагдсан цагаас хойш өнөөг хүртэл 12 жилийн хугацаанд нүүр ам судлалын салбарын амны хөндийн эрүүл мэндийн мэдээ, мэдээллийн хөтчийн үүргээ амжилттай гүйцэтгэж салбарын эмч мэргэжилтнүүдийг хамгийн сүүлийн үеийн мэдээ мэдээллээр хангахын зэрэгцээ олон нийтэд эрүүл мэндийн боловсрол олгох контентүүдийг байнга бэлтгэн нийтлэж байна. 

    Манай сайт нь Монголын нүүр ам судлалын салбар төдийгүй эрүүл мэндийн салбартаа хамгийн идэвхитэй үйл ажиллагаа явуулж байгаа мэдээллийн хэрэгсэл юм. Үүний нотолгоо нь бид мэдээллийн цахим хөтөч ShudMN сайтын зэрэгцээгээр нүүр амны эмч мэргэжилтнүүдэд зориулсан мэргэжлийн Shud Magazine сэтгүүл, Shud Magazine гар утасны аппликэшн мөн амжилттай нэвтрүүлээд байна.

    Тус сайтын үйл ажиллагааг салбарын хамт олон төдийгүй эрүүл мэндийн салбартаа өндөрөөр үнэлж байгаагийн илэрхийлэл болгож ЭМ-ийн сайд Д.Сарангэрэл “Эрүүл шүд-Эрүүл хүүхэд” үндэсний хөтөлбөрийн мэдээллийн хөтөчөөр сонгон шалгаруулж оролцуулсан нь бидний амжилтын нэгэн баталгаа мөн билээ. 

    Монголчууд бид “Шүд эрүүл бол бие эрүүл” гэдгийг мэддэг. Хүний эрүүл мэндийн хамгийн чухал эд эрхтнүүдийн нэг болох шүд, амны хөндийн эрүүл мэндийн төлөө бид ажиллаж байна.

    Сайн үйлс бүхэн дэлгэрэх болтугай

    ShudMN сайтын үүсгэн байгуулагч, Shud Magazine сэтгүүлийн эрхлэгч
    АУ доктор Ч.Гантөмөр

    www.shud.mn
    info@shud.mn
    976-70113311, 976-90001901

    Бусад мэдээ

    Шүдээ цайруулахын тулд нүүрстэй оогоор шүдээ угаах, ургамлын тосоор амаа зайлах, жимсний хальсаар шүдээ зүлгэх зэрэг нь хэр үр дүнтэй вэ?
    Цасан цагаан шүд нь амжилттай яваа хүний имиж гэсэн ойлголт хөгжингүй орнуудад байдаг байсан бол манайд ч одоо ийм ойлголттой болоод байна. Иймд хүмүүс шүдээ ямар нэгэн аргаар цайруулж цасан цагаан инээмсэглэлээр нүүрээ гийгүүлэхийг эрмэлздэг нь нууц биш. Шүд хэрхэн цайруулах талаар өнөө үед интернэтийн орчинд төрөл бүрийн мэдээлэл байх бөгөөд нүүрс агуулсан шүдний оогоор шүдээ угаах, ургамлын тосоор амаа зайлах, жимсний хальсаар шүдээ зүлгэх зэрэг аргуудын талаар зөвлөгөөг хэн бүхэн харсан, сонссон байх. Тэгвэл эдгээр мэдээллүүд үнэнд хэр нийцэх талаар Австралийн Сидней хотын шүдний гоо сайхны (cosmetic dentist) Люк Кронин эмчийн Dailymail Online веб хуудсанд тавьсан зөвлөгөөг хүргэж байна.
    2020-05-26 08:27
    Шүд цоорох өвчний хүндрэл шүдний зөөлөн эдийн үрэвсэл pulpitis гэж юу вэ?
    Шүдний хатуу эдэд үүссэн цоорол даамжирч хөнөөлт нян бактери ба тэдгээрийн ялгаруулж буй хорт бодисууд шүдний доторх хөндийрүү нэвтэрч судас мэдрэлийн багц, зөөлөн эдийг гэмтээн үрэвсүүлэх эсвэл гадаад хүчин зүйлс, цочруулын улмаас шүдний зөөлөн эд цочирч гэмтсэний улмаас үүсэх үрэвсэлт өвчнийг шүдний зөөлцийн үрэвсэл буюу пульпит гэж нэрлэдэг. Шүдний зөөлц буюу pulp нь шүдний цөгцний хөндий болон сурвалжийн сувагт байрладаг. Зөөлц нь мэдрэлийн ширхэг, судас, тунгалгийн зангилаанаас бүрдэнэ. Хэрэв шүдний цоорлыг цаг тухайд нь бага байхад нь л эмчлүүлээгүй бол халдвар цааш дамжин шүдний хөндийд байх судас мэдрэлийн багцад халдварлан үрэвсүүлнэ.
    2020-05-20 08:50
    Нүүр амны их эмч, сувилагч таныг ажилд урьж байна.
    Багаар ажиллах чадвартай, харилцааны өндөр соёлтой Нүүр амны их эмч, сувилагч таныг найрсаг хамт олон ажилд урьж байна.
    2020-05-18 17:31