Шүдний гажиг заслын эмч (Orthodontist)

Шүдний гажигийг засах нь маш нарийн оношлогоо, тооцоолол шаарддаг тул ердийн ерөнхий мэргэжлийн нүүр амны эмч энэ ажилбарыг гүйцэтгэх боломжгүй юм. Иймд шүдний гажиг засах гажиг заслын ортодонт эмчийг төгсөлтийн дараах 2 жилийн сургалтаар бэлтгэж эрх олгодог. Эдгээр бэлтгэгдсэн мэргэжилтнүүд нь шүдний гажигийг оношлох, эмчилэх, урьдчилан сэргийлэх арга хэмжээ зохион байгуулах чадвартай болж төгсдөг.

Ихэнх хүмүүсийн хувьд гажиг заслын эмчилгээнд зорьж ирэх болдог шалтгаан нь үйл ажиллагааны алдагдлаас илүү шүдний эгнээний гажигаас болж үүсэх нүүрний гоо сайхны алдагдал байдаг. Гажиг заслын эмчилгээний үр дүнд шүдний эгнээний гоо сайхан сэргээгдэхийн зэрэгцээгээр мөн үйл зүйн алдагдал нь буцан сэргэдэг.

Гажиг заслын эмчилгээ нь ихэнхдээ урт удаан хугацааны турш үргэлжилэх тул маш олон удаагийн ирэлт шаарддаг. Иймд гажиг заслын эмч сонгохдоо таны ажлын болон гэрийн ойролцоо байх хүрч очиход дөхөмтэй талыг харгалзан үзэх нь буруугүй.

Гажиг заслын эмчилгээ нь үндсэндээ өсвөр насны хүүхдэд зориулсан эмчилгээ гэж ихэнх хүмүүс ойлгодог ч өнөөдөр маш олон насанд хүрэгсэд гажиг заслын эмчилгээ хийлгэхээр эмнэлэгт хандаж байна. Хэдийгээр хүмүүс гаиг заслын эмчилгээний шүдэн дээр наасан төмөр брекетүүдээс болгоомжилж тээршаадаг ч өнөө үед тэдгээр нь шаазан болон циркон материалаар хийгддэг болсон тул шүднээс төдийлөн их ялгарч харагдахаа больсон байна.  

Бусад мэдээ

Уруулын хавдар: Үүний талаар юуг мэдэх хэрэгтэй вэ?
Уруулын хавдрын дунджаар 1/3 нь нарны цацрагийн нөлөө хэт их байсантай холбоотой. Хавдрын эрсдэл нь цацрагаас хамгаалах озоны давхарга, дэлхийн дулаарал, агаарын бохирдол зэрэг цаг уурын өөрчлөлтөөс болж ихэссээр байна.
2022-04-05
Амны хөндийн эрүүл ахуй ба жирэмслэлт
Судалгаагаар жирэмсэн эмэгтэйчүүдийн буйлны хүнд хэлбэрийн өвчин болон жин багатай дутуу төрөлт хоёрын хооронд холбоо байгааг тогтоожээ. Дутуу төрсөн хүүхэд тархиндаа гэмтэлтэй, хараа, сонсголын бэрхшээлтэй байх магадлал өндөр байдаг. 100 дутуу төрөлт тутмын 18 хүртэлх нь буйлны хүнд хэлбэрийн халдвартай (холбоос эдийн өвчин) холбоотой байдаг гэж үздэг.
2022-02-15
Одонтофобиа буюу Шүдний эмчээс айх айдас, түүнийг хэрхэн даван туулах вэ? 
     Хэрэв та шүдний эмчээс айх айдсаас хамааран шүдний тогтмол үзлэг, эмчилгээнээс зайлсхийдэг бол энэ нь таны амны хөндийн эрүүл мэндэд сөргөөр нөлөөлөх бөгөөд шинж тэмдэггүй өвчлөл даамжран хүндэрч улмаар танд илүү хүчтэй өвдөлт үүсэх мөн эдийн засгийн хувьд өндөр өртөгтэй эмчилгээ шаардагдах тул айдастайгаа нүүр тулан өөрийн эрүүл мэндийн төлөө зөв алхам хийгээрэй.
2022-01-25