АШУҮИС, НАСС-н "АЖИЛ ОЛГОГЧ БА ТӨГСӨГЧДИЙН ЦАХИМ УУЛЗАЛТ" ажлын яармаг амжилттай зохион байгуулагдлаа

АШУҮИС, Нүүр ам судлалын сургуулийн зүгээс шинээр төгсөгчид болон ажил олгогчдыг уулзуулах, таниулан сурталчилах анхны удаагийн “АЖИЛ ОЛГОГЧ БА ТӨГСӨГЧДИЙН ЦАХИМ УУЛЗАЛТ" өнөөдөр 17-19 цагийн хооронд ZOOM app ашиглан амжилттай зохион байгуулагдлаа. Тус ажлын яармаг уулзалтанд манай салбарын тэргүүлэх 10 гаран эмнэлэг өөрсдийн үйл ажиллагааг таниулан сурталчиж нийт 150 орчим төгсөгчид оролцлоо.

Энэхүү уулзалт яармаг нь анх удаа зохион байгуулагдаж байгаа ч цаг үеэ болсон чухал арга хэмжээ болохыг яармагт оролцсон тэргүүлэх эмнэлгийн удирдлагууд цохон тэмдэглэж талархалаа илэрхийлж байлаа.

Ирэх жилээс КОВИД-ын цар тахлын дэгдэлт улс орны хэмжээнд намжиж, цаг сайхан болохоор уг арга хэмжээг илүү өргөн хүрээнд зохион байгуулж ажил олгогч болон төгсөгчдийг онлайн орчинд төдийгүй нүүр тулан уулзуулахаа АШУҮИС-н Нүүр Ам Судлалын Сургуулийн захирал АУ доктор Б.Батбаяр амлалаа.

Бусад мэдээ

ШҮДНИЙ ЭМЧИЙН ТУСЛАХ МЭРГЭЖИЛТЭН БЭЛТГЭХ 6 САРЫН ӨДРИЙН АНГИЙН 2021 ОНЫ ЭЛСЭЛТИЙН БҮРТГЭЛ ЭХЭЛЛЭЭ
АШУҮИС-ийн НАСС-ийн “Нүүр амны эмчийн туслах” ангийн элсэлтийн бүртгэлийг 2021 оны 06 дугаар сарын 2-8-ны өдрүүдэд bolormaa.s@mnums.edu.mn цахим хаягаар бүрдүүлэх материалыг илгээж бүртгүүлнэ үү? Элсэгчдийн тоо хязгаартай (60) болно.
2021-06-02 15:18
УИХ-ын Боловсрол, соёл, шинжлэх ухаан, спортын байнгын хорооны дарга Г.Дамдиннямтай ажлын уулзалт хийлээ
Өнөөдөр АШУҮИС, Нүүр ам судлалын сургууль, ЭМЯ, Нүүр ам судлалын мэргэжлийн салбар зөвлөлийн төлөөллийг УИХ-ын Боловсрол, соёл, шинжлэх ухаан, спортын байнгын хорооны дарга Г.Дамдинням хүлээн авч уулзлаа. Уг уулзалтанд АШУҮИС, Нүүр ам судлалын сургуулийн захирал АУ доктор Б.Батбаяр, тэнхмийн эрхлэгч АУ доктор Ч.Гантөмөр ЭМЯ НАС-ын Ерөнхий мэргэжилтэн Б.Энхбаатар, Мэргэжлийн зөвлөлийн гишүүн И.Басхүү эмч оролцлоо.
2021-05-20 16:36
Эрүүл мэндийн сайд С.Энхболд НАС мэргэжлийн салбар зөвлөлийн гишүүдийг хүлээн авч уулзлаа
Өчигдөр (2021.05.18) Эрүүл мэндийн сайд С.Энхболд АШУҮИС Нүүр ам судлалын сургуулийн болон ЭМЯ, Нүүр ам судлалын мэргэжлийн салбар зөвлөлийн төлөөллийг хүлээн авч уулзлаа. Уг уулзалтанд АШУҮИС, Нүүр ам судлалын сургуулийн захирал АУ доктор Б.Батбаяр, тэнхмийн эрхлэгч АУ доктор Ч.Гантөмөр, ЭМЯ Ерөнхий мэргэжилтэн Б.Энхбаатар, Мэргэжлийн зөвлөлийн гишүүн Б.Өнөрбилэг нар оролцлоо.
2021-05-19 08:29