Одоогоос хэдэн жилийн өмнөөс Монголд Уян хуванцар шүдэлбэр буюу Flexible Denture-ийг хийж эхлээд байна. Та магадгүй найз нөдөөсөө, ажлын газрынханаасаа, эсвэл телевизийн рекламнаас Уян хуванцар гэж сонссон байх.

Шүдэлбэр гэдэг нь байхгүй шүдийг орлуулан таны инээмсэглэлийг нөхөн сэргээдэг амны хөндийн авагддаг зэмсэг юм. Хэрэв та шүд цоорох өвчин, шүдний тулгуур эдийн өвчний улмаас аль эсвэл гэмтэл бэртлийн улмаас олон шүдээ нэгэн зэрэг алдсан бол шүдэлбэр зүүх нь таны эрүүл мэндэд ач холбогдолтой зүйл юм.

Энэ шүдэлбэр нь хиймэл шүдний авагддаг төрөлд хамарах бөгөөд суурь тулгуур хэсгийг нь металлаар хийх тул маш бат бөх бөгөөд хуванцар шүдэлбэрийн адил хугарч гэмтэлгүйгээр удаан хугацаанд хэрэглэх боломжтой.

Шүдний эмчилгээний салбарт метал ломбо буюу амальгаман ломбоны материалыг зажлалтын хүчийг даах чадвар, бат бөх, үнэ өртөг хямд, ашиглахад хялбар зэргээс нь болж он удаан жил ашигласаар байна.