Дэлхийн хэмжээнд мөнгөн ус агуулсан шүдний амальгамын хэрэглээг үе шаттай бууруулах бодлого эрчимжиж байгаа бөгөөд Зүүн Өмнөд Азийн орнууд энэ шилжилтийг хэрэгжүүлэх дараагийн алхмуудаа хийж байна. Dental Tribune International-ийн шинэ мэдээнд Дэлхийн эрүүл мэндийн байгууллага бүс нутгийн орнуудад dental amalgam-аас татгалзах үйл явцыг урагшлуулах чиглэлээр ажиллаж байгааг онцолжээ.

Байнгын ломбоор шүдийг ломбодсон гэдэг нь тухайн шүд ахин цоорохгүй, цоорлоос хамгаалагдсан гэсэн үг биш бөгөөд ломбоны хажуугаар шүд ахин цоорох тохиолдол олон. Энэ нь ихэвчлэн та амны хөндийн эрүүл ахуйгаа хангалттай сайн сахиагүйгээс үүдэлтэй. Түүнчлэн хэт хатуу болон наалдамхай зүйл хазах нь шүд, ломбо эмтрэх, хугарах, унах шалтгаан болдог.

Ломбо хийлгэснээс хэдэн хоногийн турш шүд халуун, хүйтэнд мэдрэг байж болно. Хэрэв мэдрэгшил хэдэн долоо хоногийн дараа арилахгүй бол та эмчид хандаарай.

Бараг бүтэн зууны туршид шүдийг засах хамгийн шилдэг бөгөөд хамгийн удаан тогтдог арга нь алтан бүрээс буюу зоомол юм гэж ихэнх эмч нар үзсээр ирсэн. Нэг үгээр алтан ломбо нь насан туршийн баталгаатай эмчилгээ юм. Энэ гүйцэтгэхэд маш хэцүү, их үнэтэй, эмчийн зүгээс ур чадвар шаарддаг.