• Балчир хүүхдийн шүдийг угааж өгөхдөө анхаарах зүйл

    Хэдийгээр танай хүүхдийн шүд шүдлэж хараахан эхлээгүй ч гэсэн шүдний ормыг нойтон хөвөнгөөр өдөрт нэг удаа арчиж өгч байх хэрэгтэй. Энэ нь хүүхдэд шүд угаах анхны дадал үүсгэх явдал юм. Хүүхдийн сүүн шүд дөнгөж цухуйж эхлэмэгц түүний шүдийг хүүхдэд зориулсан дизайнтай, зөөлөн үстэй, сойзоор угааж, шүдийг угаахын зэрэгцээ буйланд массаж хийж өгч байх нь чухал. Хүүхэд ой 6 сартай болмогц шүдийг нь оройн цагаар хамгийн сүүлчийн хооллолтын дараа энгийн ус ашиглан угааж өгөх хэрэгтэй.

    Хүүхдийг өвдөг дээрээ хэвтүүлээд шүдийг нь угааж өгөх нь илүү хялбар байдаг.  Шүд угаах хугацааг эхлээд маш бага хугацаанд гүйцэтгэж аажимдаа хугацааг нь сунгаж 2 минут хүргэх хэрэгтэй.

    Хүүхдийг шүд угаах ажиллагаанд хэдий нь дасч өдөр тутам гүйцэтгэдэг болмогц 3 насны орчимд шүдийг өдөрт угаах тоог олшруулна. Өглөөний цайны дараа, үдэш унтахын өмнө угаана.

    Хүүхдийн шүдийг угаахдаа анхаарах зүйл нь балчир насны хүүхдэд зориулсан фторын агууламж багатай оог хэрэглэх ёстой. Эдгээр оонууд нь ихэвчлэн нэг ой 6 сартай хүүхдээс эхлэн хэрэглэхээр байдаг тул оон дээрх зааврыг уншиж үзэж хүүхдэдээ таарах оог сонгох хэрэгтэй.

    Оог шүдний сойзонд маш бага зөвхөн түрхэх төдий л тавьж өгөх бөгөөд илүүдэл оог яаж шүлстэйгээ хамт нулимж гаргахыг зааж өгөх хэрэгтэй. Хэрэв илүүдэл оог нулимж гаргаж чадахгүй тэр чигт нь идчихвэл сойзон дээр нь ахиад бага зэрэг оо түрхээд ахин угаалгахын зэрэгцээ амыг нь усаар зайлах аль эсвэл нойтон сальфеткаар арчиж өгөх хэрэгтэй.

    Насанд хүрэгчдэд зориулсан шүдний оогоор хүүхдийн шүдийг угаах нь шүдэнд шүд толботох эмгэг буюу флюроз өвчин үүсгэж болзошгүй тул оог аль болох хүүхэд хүрэхгүй газар хадгалж байх нь чухал.

      

    Бусад мэдээ

    Балчир хүүхдийн шүдийг угааж өгөхдөө анхаарах зүйл
    Хэдийгээр танай хүүхдийн шүд шүдлэж хараахан эхлээгүй ч гэсэн шүдний ормыг нойтон хөвөнгөөр өдөрт нэг удаа арчиж өгч байх хэрэгтэй. Энэ нь хүүхдэд шүд угаах анхны дадал үүсгэх явдал юм.
    2019-09-10 20:26
    Хүүхдийг багаас нь амны эрүүл ахуйн зөв дадалтай болгох нь чухал
    Нярай болон нялх хүүхдүүдийн шүд нь өсвөр насны хүүхдүүд болон насанд хүрэгчдийн нэгэн адил шүдний өвчилөлд өртөх өндөр эрсдэл доор байдаг. Иймд хүүхдийн шүдийг төрсөний дараагаас эхлэн арчилан хамгаалах хэрэгтэй. Аль болох багаас нь амны хөндийн ариун цэврийн зөв дадал зуршилтай болговол тэр нь насан туршаа хадгалагдан үлдэж хүүхдэд эрүүл шүдтэй байхад маш чухал тус нэмэр болно.
    2019-09-10 20:16
    Угжны цоорол гэж юу вэ? Хэрхэн сэргийлэх вэ?
    Хүүхдийн сүүн шүдийг дараа нь байнгын шүдээр солигддог гээд зөнд нь хайр гамгүй орхичихож болохгүй бөгөөд цоорол үүсэхээс урьдчилан сэргийлэх нь чухал. Балчир болон дөнгөж хөлд орж буй насны хүүхдийн хоол тэжээлээс шалтгаалсан шүдний цоорлыг эрт үеийн шүдний цоорол (Early Childhood Caries) эсвэл угжны цоорол (Baby Bottle Tooth Decay) гэж нэрлэдэг.
    2019-09-08 14:34