Ямар төрлийн шүдний ОО хэрэглэхэд илүү тохиромжтой вэ?

Ямар төрлийн шүдний ОО хэрэглэхэд илүү тохиромжтой бэ?

    Амны хөндийн эрүүл ахуй нь шүд, буйлны эрүүл мэндэд зайлшгүй шаардлагатай. Мөн амнаас эвгүй үнэр гарахаас сэргийлнэ. Зөв шүдний ОО нь амны хөндийн эрүүл мэндэд чухал үүрэг гүйцэтгэдэг ч ямар бүтээгдэхүүн сайн болохыг мэдэхэд хэцүү байдаг.

Хамгийн сайн шүдний ОО-г сонгох нь:

1.     Фторын агууламжийг харах

Фтор нь шүдний пааланг хамгаалж, шүдийг эрдэсжүүлж цоорлоос урьдчилан сэргийлдэг байгалийн эрдэс юм. Америкийн шүдний холбоо нь фтор бол шүдний ооны хамгийн чухал найрлагын нэг гэжээ. Мөн фтор нь шүдний цоорлын эмчилгээнд хамгийн аюулгүй, үр дүн сайтай байдаг.

2.     ADA /American Dental Association/-ны шалгуур үзүүлэлт.

Шүдний ОО нь эдгээр зүйлсийг заавал хангасан байх:

  • Фтор агууламжтай байх
  • Амны эрүүл ахуйг дээшлүүлэх идэвхтэй найрлагыг агуулсан байх
  • Сахар зэрэг шүд цоороход эрсдэлтэй нэмэлт амт оруулагчаас ангид байх
  • Аюулгүй, хоргүй гэдгийг батлах шинжлэх ухааны нотолгоотой байх

   Гэсэн хэдий ч энэ зөвшөөрөлд сайн дурын үндсэн доор шалгуулдаг бөгөөд зарим ОО-ууд шалгуулдаггүй. Иймээс бүх шүдний ОО ADA зөвшөөрөлтэй гэсэн үг биш юм.

3.     Шошгыг унших 

Шүдний ОО-ны шошгыг сайтар шалгах хэрэгтэй. Бүх төрөл нь хүн болгонд тохирно гэсэн үг биш.

Жишээ нь: зарим төрөл нь бага насны хүүхдүүдэд тохиромжгүй байдаг байна.  Шошгон дээр найрлагуудыг бүгдийг бичсэн байдаг бөгөөд тухайн хүн шүдний ОО-гоо сонгохдоо өөрт харшлах зүйл байгаа эсэхийг нягталж харна гэсэн үг. Амны шархлаагаар байнга өвддөг хүмүүс  SLS /sodium lauryl sulfate/ агуулсан бүтээгдэхүүнээс зайлсхийх нь зүйтэй.

4.    Өөрийн амны хөндийн асуудлууд дээр тулгуурлан сонгох

    Шүдний зарим өвчлөлтэй хүмүүс өөрийн онцлогт тохирсон бүтээгдэхүүнийг сонгох хэрэгтэй. Жишээлбэл, зарим хүмүүст шүдний хэт мэдрэгшилийг бууруулах ОО /калийн нитрат агуулдаг/ шаардлагатай байдаг бол заримд нь цайруулах үйлчилгээтэй хэрэгтэй байдаг.

5.    Цайруулах шүдний оо авах эсэхээ шийдэх

    Маш олон хүмүүс цагаан шүдтэй байхыг хүсдэг. Шүд цайруулах ОО нь шүдний гадаргуугаас толбыг арилгаж шүдийг сийрэг болгох  найрлагатай байдаг. Шүдний хэт мэдрэгшилтэй шүдтэй хүмүүсийн шүдийг улам мэдрэг болгох аль болох зайлсхийх нь зөв. Хэт мэдрэгшилтэй хүмүүс шүдээ аюулгүй аргаар цайруулахын тулд эмчээс зөвөлгөө авах шаардлагатай.

6. Хэт мэдрэгшилтэй шүдэнд оо сонгох

     Хэт мэдрэг шүдтэй байх нь шүд угаахад маш тааламжгүй байдал бий болгодог. Хүйтэн болон халуунд маш мэдрэг байдаг нь зайрмаг, кофег хэрэглэхэд төвөгтэй байдаг. 

7. RDA шалгах

    Дээр дурьдсанчлан шүдний оо нь цэвэрлэж, цайруулах өнгөлгөөний бодис агуулдаг. 250 RDA болон түүнээс доош  байх нь аюулгүй, үр дүнтэй байдаг бөгөөд 250-аас их байвал шүдийг гэмтээх аюултай.

8. Шүдний чулууг хянах

     Шүдний өнгөр нь шүдний гадаргуу дээр өдөр тутамдаа үүсдэг бактерийн давхарга бөгөөд цаашид угаахгүй удсанаас үүдэн шүдний чулуу болдог. Шүдний чулууг гэрийн нөхцөлд арилгахад хэцүү бөгөөд удаан явснаар буйлны өвчлөлд хүргэнэ. Амны хөндийн эрүүл ахуйг сайтар сахиж, шүдийг зөв тогтмол угаах нь шүдний чулуу үүсэхээс сэргийлнэ. Пирофосфат, цайрын цитрат  зэрэг химийн бодис агуулсан шүдний оо нь чулуу үүсэхээс энгийн ОО-оор угааснаас харьцангуй сайн сэргийлдэг.

9. Байгалийн гаралтай шүдний ОО

    Байгалийн гаралтай шүдний ОО нь фтор маш бага хэмжээгээр агуулдаг. Өнгөлгөөний болон толбо арилгадаг химийн бодисын оронд байгалийн гаралтай бүтээгдэхүүн болох хүнсний сода агуулсан байдаг.

10. Чихэрлэг шүдний ОО-ноос зайлсхийх

    Чихэр буюу нүүрс ус нь шүд цоороход нөлөөлдөг учраас үүнийг агуулсан ОО хэрэглэхээс аль өолох зайлсхийх хэрэгтэй. Ялангуяа хүүхдийн шүдний ОО-нд их чихэр байдаг тул та хүүхдийнхээ ОО-г сонгохдоо сахарын хэмжээг нь сайтар шалгахыг зөвлөж байна.

11. Сонголт чинь таны өөрийн хэрэгцээн дээр суурилсан байх

    Хүн бүр өөр, өөр хэрэгцээ сонголттой байдаг. Шүдний оог сонгохдоо та өөрийн болон гэр бүлийн гишүүдийн хэрэгцээнд тааруулах хэрэгтэй. 

Анхаарвал зохих зүйлс:

  • Найрлаганд нь ямар нэг харшлах зүйл байгаа эсэх
  • Шүдний хэрэгцээг хэр хангаж байгаа эсэх
  • Шүдний ОО-г эмчийн тусламжтай сонгох
  • Мөн бусад шүдний сойз, хэл хусагч, ам зайлагч, шүдний утас зэрэг бүтээгдэхүүнийг тогтмол ашиглаж хэвших

Эх сурвалж: https://www.medicalnewstoday.com/articles/322577#takeaway

Бусад мэдээ

Шүдний сойз сонгохдоо анхаарах ёстой 5 зүйл
 Сойзны толгойн хэмжээ нь сойзны чанарт хамгийн их нөлөөлдөг. Сойзны толгой янз бүрийн хэмжээтэй байдаг ч хамгийн тохиромжтой нь 2.5 см өндөр (Дээд 2 үүдэн шүдний өргөнтэй тэнцүү), 1.2 см өргөнтэй байдаг. Ийнхүү сойзны толгой жижиг байх тусмаа араа шүд зэрэгт илүү сайн хүрдэг. Харин эсрэгээрээ том толгойтой сойз нь амны ар талын араа шүд зэрэгт хүрэлцдэггүйн улмаас сайн угааж чаддаггүй байна.
2022-02-28
Ургамлын гаралтай тосоор амаа зайлах нь шүд цоорох өвчнөөс урьдчилан сэргийлдэг
    Амны хөндийг тосоор зайлах нь Энэтхэг болон Өмнөд Азийн орнуудад олон зууны турш хэрэглэж ирсэн эртний уламжлалт ардын эмчилгээ юм. Амны хөндийг тосоор зайлах нь шүдийг цайруулж, түүнийг цоорлоос урьдчилан сэргийлж шүдний эрүүл мэндэд сайн нөлөө үзүүлдэг гэж тэмдэглэгдэн үлдсэн нь орчин үед хэд хэдэн судалгаагаар батлагдаад байгаа юм. 
2022-01-20
Ямар төрлийн шүдний ОО хэрэглэхэд илүү тохиромжтой вэ?
Шүдний ОО-ны шошгыг сайтар шалгах хэрэгтэй. Бүх төрөл нь хүн болгонд тохирно гэсэн үг биш. Жишээ нь: зарим төрөл нь бага насны хүүхдүүдэд тохиромжгүй байдаг.  Шошгон дээр найрлагуудыг бүгдийг бичсэн байдаг бөгөөд тухайн хүн шүдний ОО-гоо сонгохдоо өөрт харшлах зүйл байгаа эсэхийг нягталж харна гэсэн үг. Буйлны үрэвсэл байнга тохиолддог хүмүүс  SLS /sodium lauryl sulfate/ агуулсан бүтээгдэхүүнээс зайлсхийх нь зүйтэй.
2022-01-14