Орчин үеийн хүмүүсийн амьдралын хугацаа хүн төрөлхтний түүхэнд урьд өмнө нь байгаагүйгээр их уртсаж байна. Энэ нь хүмүүсийн өвчнөөс урьдчилан сэргийлэх чадвар сайжирсантай мөн орчин үеийн анагаах ухааны эмчилгээний чадамж дээшилсэнтэй, эрүүл амьдрах талаар нийгмийн эрүүл мэндийн мэдлэг, хоол хүнсний хэрэглээ, чанар сайжирсантай, хүмүүс эрүүл амьдралын хэв маягийг баримталж дасгал хөдөлгөөн байнга хийх, архи тамхи зэрэг хорт зуршлуудаас татгалзах болсон зэрэг олон хүчин зүйлстэй холбоотой гэж үздэг. Өнөө цагт 80, 90 насалсан хүмүүсийн ихэнхийнх нь биеийн эрүүл мэнд хэвийн амьдралын чадвар нь ердийн хүмүүсийнхтэй бараг ойролцоо түвшинд байна.
Гэвч таны машины дугуй 60 000 миль зам туулсаны дараа солихгүй байхын аргагүй элэгддэг шиг 80 жил гэдэг бол амны хөндийн үйл ажиллагаанд хангалттай урт хугацаа юм.
Иймд энэ бүлэгт ахимаг настай хүмүүст тохиоолддог амны хөндийн нөхцөл байдлуудын тухай тайлбарлах болно. Хэдийгээр настай хүмүүст эдгээр бүх шинж тэмдэг илрэх албагүй ч аль нэг нь заавал тохиолдох нь гарцаагүй юм.
